Do wat u love,Love wat u do!!

Fevicol Se


Hindi Adhyapak: Prasang sahit varnan kijiye:

“Mere photo ko seene se yaar
Chipka le saiyan Fevicol se” ?

Chathra: Yeh pankti Bollywood ke prasidh filmi naayak Shri Salman Khan urf Chulbul Pandey ki rachana “Dabaang 2” se li gayi hai.

Is kavita mein kavi mayavi item girl Kareena ko sambodhit karte huwe ,unke photo ko seene mein fevicol se chipkane ke liye kehte hain.

Mayavi item girl bahut der se tayyar hain isiliye usey missed call dekar patane ke liye prerit karte hain. Kavi yeh bhi kehte hai ki jab yeh mayavi item girl zor se angaadiyaan leti hai  aur jab vaha chalti hai to gadar mach jaati hai aur hoshwalen bhi madhosh nazar aate hain.Is tarah sare India ko mayavi item girl ne gulaam kar diya hai.

Agle pankthi mein kavi mayavi item girl ko tandoori murgi se tulna karte huwe alcohol se ghatakne ke liye kehte hai. Yeh mayavi item girl hume jannat dikhane ka aur barfeele paani ko aag lagane ka vada karti hai.Is tarah hume uske photo ko fevicol se seene mein chipkaane ke liye kehti hai.

Mayavi item girl kavi ke madhyam se yaha kehti hai ki use log namkeen butter kehte hain.Lekin who confidently kehti hai ki  uski jawani ek cutter hain jis se who dil kaat sakti hai. Uske jalwe ko dekh kar koyi bhi faint hokar, apne nainon ka shutter close kar sakta hai. Is prasang par kavi mayavi item girl ki prashansa karte huwe kehte hai ki uske kamariya ke thumke se saara district athawa state prasan hota hain aur saara city unka wait karta hai.

Yadyapi is mayavi raani ki kahani purani hai, uske photo ko seene mein fevicol se chipkaane ke liye baar baar aadesh dete hai. Anth mein mayavi item girl uske siren wale gypsy se petrol use karke bhagane ke liye aadesh deti hai.Lekin humara kavi bhi chalu hai. Usko pata hai ki petrol aaj market mein kya daam hai isiliye who abruptly topic change karke bolta hai ki who baby doll se nayan ladata hai, laundiyaan ko missed call, bat ball , cinema hall,marriage hall in short overall se pata ta hai aur mayavi item girl ke photo ko seene mein fevicol sehi chipkana ka vada karta hai.

Kavi is kavita ke maadhyam se, fevicol ka sales badane ka chakkar mein lage huwe hain aur is doran in saare panktiyon se humko apne kamine aur chhichhore hone ka ehsaas dilate hai…!!!

P.S: Inspired from My Hindi classes 🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s